財爺促「八十後」善用優勢

【明報專訊】唔少人都對大批年輕人喺元旦大遊行後衝擊中聯辦 嘅激烈行動議論紛紛，結果愈嚟愈多人講「八十後」嘅社會現象，連政府都為如何處理激進年輕一代而大感頭痛。財政司 長曾俊華 上個禮拜就喺官邸招呼咗一班「八十後」年輕人，之不過呢班唔係上街示威嘅八十後青年，而係一班喺八十年代出生嘅年輕政務主任。

唔認同《四代香港人》分析

鬍鬚曾噚日喺blog講及近期熱門話題——「八十後」。喺剛過嘅聖誕節，佢除咗喺屋企度吓下年度嘅財政預算案外，仲翻睇港大社會學系教授呂大樂所寫嘅《四代香港人》。

按照呂教授喺書中分析，由七十年代中至九十年代出生嘅第四代港人「注定係輸家」，皆因戰後嬰兒潮嗰代人無好好保護最開放、最多元化嘅環境，以傳給下一代，結果令呢代人無咗呢口的「先天」優勢。但鬍鬚曾就唔係好認同呢個觀點。

鬍鬚曾指家無論喺學校定網絡世界，第四代人可以掌握嘅知識較前三代人更豐富、更廣闊，而社會都提供咗非常好嘅環境，只要呢代人好好把握、裝備自己，再加上國家經濟高速發展帶嚟嘅機遇，佢口地根本唔使憂無得「上流」。

有人批評呢批「八十後」行為過激，之不過鬍鬚曾反而覺得年輕人應該有激情，但激情中都要有理性同客觀討論。財爺，咁即係點？